Please enjoy reading…
បច្ចេកទេសអនុវត្តកិច្ចសន្យា
បច្ចេកទេសនៃការអនុវត្តក្នុងកិច្ចសន្យា គឺជាការសិក្សាអំពីវិធានច្បាប់ និងវិធីសាស្ត្រសម្រាប់ដោះស្រាយបញ្ហាដែលកេីតចេញពីការបង្កេីតកិច្ចសន្យា និងដោះស្រាយបញ្ហាដែលពាក់ព័ន្ធនឹងការអនុវត្តកិច្ចសន្យា។ តេីបញ្ហាទាំងនោះមានអ្វីខ្លះ? មានច្រេីនណាស់ ព្រោះកិច្ចសន្យាគ្រប់គ្រងទំនាក់ទំនងរដ្ឋប្បវេណីដែលមានភាពសាមញ្ញ តូចតាច រហូតដល់ស្មុគស្មាញ និងទ្រង់ទាយធំ។ គ្រប់គ្រងទំនាក់ទំនងដែលមានតម្លៃសេដ្ឋកិច្ចទាប រហូតដល់តម្លៃសេដ្ឋកិច្ចខ្ពស់ទំនាក់ទំនងនៃជីវភាពធម្មតា រហូតដល់ទំនាក់ទំនងពាណិជ្ជកម្ម ព្រមទាំងទំនាក់ទំនងរវាងរូបវន្តបុគ្គល ឬរវាងនីតិបុគ្គលទាំងឯកជន និងសាធារណ:។ ក្នុងដំណាក់កាលនៃការបង្កេីតនេះ កិច្ចសន្យាអាចប្រឈមនឹងការលុបចោលដោយភាគីដែលមានសិទ្ធិលុបចោល ឬត្រូវចាត់ទុកជាមោឃ:ដោយច្បាប់។ មូលហេតុ និងអានុភាពនៃការលុបចោល និងមោឃភាពមានលក្ខណ:ពិសេសរៀងៗខ្លួន ដូចត្រូវបានបញ្ញត្តក្នុងក្រមរដ្ឋប្បវេណី។ បន្ទាប់ពីឆ្លងកាត់ដំណាក់កាលនេះ ចូលដល់ការអនុវត្តកិច្ចសន្យា ដែលមានបញ្ហាចម្បងមួយគឺការមិនអនុវត្ត ឬការបំពានកាតព្វកិច្ចដោយភាគីនៃកិច្ចសន្យា។ ក្រមរដ្ឋប្បវេណីកំណត់អំពីទម្រង់នៃការមិនអនុវត្តកាតព្វកិច្ចដែលមានដូចជា ការអនុវត្តយឺតយ៉ាវ ការអនុវត្តមិនពេញលេញ អលទ្ធភាពនៃការអនុវត្ត និងការមិនអនុវត្តកាត្វកិច្ចដែលគូភាគីបានចែងរួចជាស្រេចក្នុងកិច្ចសន្យាថាព្រឹត្តការណ៍ណាមួយត្រូវចាត់ចូលជាការមិនអនុវត្តកាតព្វកិច្ច។ ក្រមរដ្ឋប្បវេណីបានផ្តល់មធ្យាបាយសង្គ្រោះចំពោះករណីនៃការមិនអនុវត្តកាតព្វកិច្ចចំនួន ៣ គឺ ការអនុវត្តដោយបង្ខំ ការរំលាយកិច្ចសន្យា និងសំណងនៃការខូចខាត។ គោលការណ៍នៃការអនុវត្តមធ្យាបាយសង្គ្រោះនេះគឺផ្តល់សិទ្ធិឱ្យភាគីមានជម្រេីសច្រេីន (ពហុមធ្យោបាយសង្រ្គោះ) ប៉ុន្តែមិនត្រូវអនុវត្តមធ្យោបាយសង្គ្រោះឲ្យជាន់គ្នាទេ។ មានន័យថា ភាគីដែលរងគ្រោះដោយការមិនអនុវត្តកាតព្វកិច្ចដោយភាគីម្ខាងទៀត អាចទាមឲ្យមានការអនុវត្តកាតព្វកិច្ចដោយបង្ខំ ព្រមទាំងទាមទារសំណងខូខាត ឬរំលាយកិច្ចសន្យាព្រមទាំងទាមទារសំណងខូខាត។ ប៉ុន្តែគាត់មិនអាចរំលាយកិច្ចសន្យាផង និងទាមទារឲ្យអនុវត្តដោយបង្ខំផងនោះទេ ព្រោះមធ្យោបាយសង្គ្រោះទាំងពីរនេះមានលក្ខណ:ផ្ទុយគ្នា។ …
សារណា ឬនិក្ខេបបទបញ្ចប់ការសិក្សា
ហេតុអ្វីបានជាការសរសេរសារណា ឬនិក្ខេបបទ ត្រូវបានជ្រេីសរេីសជាលក្ខខណ្ឌមួយសម្រាប់ការបញ្ចប់ការសិក្សានៅកម្រិតឧត្តមសិក្សា? បងឬប្អូនៗនិស្សិតភាគច្រេីនតែងតែជួបបញ្ហាសឹងតែដូចគ្នា នៅពេលដែលត្រូវសរសេរសារណាដេីម្បីបញ្ចប់ការសិក្សាថ្នាក់បរិញ្ញាបត្រ ឬត្រូវសរសេរនិក្ខេបបទសម្រាប់ការសិក្សាថ្នាក់ក្រោយបរិញ្ញាបត្រ (កម្រិតបរិញ្ញាបត្រជាន់ខ្ពស់ និងបណ្ឌិត)។ បញ្ហានោះគឺការកំណត់បញ្ហា ដេីម្បីយកមកបង្កេីតប្រធានបទ បង្កេីតសំណួរស្រាវជ្រាវ និងដោះស្រាយបញ្ហា ឬឆ្លេីយនឹងសំណួរនោះ តាមរយ:ការប្រេីវិធីសាស្រ្តស្រាវជ្រាវសមស្របមួយ។ នេះគឺជាតម្លៃនៃសារណា ឬនិក្ខេបបទ ដែលចូលរួមចំណែកដោះស្រាយបញ្ហាច្បាប់ វិវាទអំពីទ្រឹស្តីច្បាប់ ឬបញ្ហានៃការអនុវត្តច្បាប់ដែលជាបច្ច័យនៃភាពមិនច្បាស់លាស់នៃការបកស្រាយច្បាប់ ឬកង្វះយន្តការក្រោមច្បាប់ (ព្រះរាជក្រឹត្យ អនុក្រឹត្យ ឬប្រកាសជាអាទិ៍) ដេីម្បីអនុវត្តអត្ថបទច្បាប់នោះ។ ការសរសេរសារណា ឬនិក្ខេបបទ អាចនឹងមិនងាយស្រួលដូចការសរសេរសៀវភៅសិក្សា ព្រោះនិស្សិតត្រូវស្វែងរកបញ្ហាសម្រាប់យកមកស្រាវជ្រាវ ដូចបានរៀបរាប់ខាងលេី។ និស្សិតទាល់តែបានអានអត្ថបទច្បាប់ ការបកស្រាយច្បាប់ដោយចៅក្រមក្នុងសាលក្រម ឬសាលដីកា ឬឯកសារស្រាវជ្រាវដែលអ្នកច្បាប់បានពន្យល់ និងបកស្រាយអំពីទ្រឹស្តី ការវិភាគច្បាប់ និងការពន្យល់ច្បាប់ជាដេីម ទេីបអាចមានសមត្ថភាពកំណត់បញ្ហាសម្រាប់ធ្វេីការស្រាវជ្រាវក្នុងសារណាឬនិក្ខេបបទរបស់ខ្លួនបាន។ តាមបទពិសោធន៍ផ្ទាល់ខ្លួន និងចំណេះដឹងដែលបានរៀននៅសាកលវិទ្យាល័យកន្លងមក និស្សិតគួរជ្រេីសរេីសជំនាញច្បាប់ ឬវិស័យជាក់លាក់ណាមួយសិន ពោលគឺអាចជ្រេីសរេីសច្បាប់ការងារដែលគ្រប់គ្រងវិស័យការងារ ឬច្បាប់កម្មសិទ្ធិបញ្ញា ឬច្បាប់នៃវិស័យណាមួយសិន រួចជ្រេីសរេីសអនុវិស័យ ឬប្រធានបទណាមួយ ដេីម្បីអាចឈានទៅដល់ការកំណត់បញ្ហាស្រាវជ្រាវ។ និយាយឱ្យខ្លី ឬសង្ខេប បេីមិនអាចកំណត់បញ្ហាស្រាវជ្រាវច្បាស់លាស់ទេ នោះនិស្សិតមិនអាចសរសេរសារណា ឬនិក្ខេបបទបានដោយជោគជ័យឡេីយ។ និស្សិតដែលឆ្លងកាត់ដំណេីរការនៃការស្រាវជ្រាវនេះ នឹងទទួលបានជំនាញសិក្សាស្រាវជ្រាវច្បាប់ ដែលអាចចេះវិភាគ…
ច្បាប់កិច្ចសន្យា៖ ការឱ្យខ្ចីប្រាក់ដោយគិតការប្រាក់
កិច្ចសន្យាខ្ចីប្រាក់ ជាប្រភេទកិច្ចសន្យាខ្ចីបរិភោគ ដែលត្រូវបានបញ្ញត្តក្នុងក្រមរដ្ឋប្បវេណី នៃព្រះរាជាណាចក្រកម្ពុជា។ កម្មវត្ថុនៃការខ្ចីបរិភោគនឹងបាត់បង់រូបរាង ឬចរាចរក្នុងទីផ្សារបាត់ទៅហេីយនៅពេលវត្ថុនោះត្រូវបានគេប្រី ឬបរិភោគ។ បេីអ្នកខ្ចីចង់សង ត្រូវសងប្រាក់ដែលមានប្រភេទ គុណភាព និងបរិមាណដូចគ្នា មិនមែនសងវត្ថុដដែលទេ។ ខ្ចី ១០០ដុល្លារ សង១០០ដុល្លារ។ ខ្ចី១០ម៉ឺនរៀល សងវិញ១០ម៉ឺនរៀល។ បេីអ្នកឱ្យខ្ចីឬម្ចាស់លុយចង់បានការប្រាក់ពីអ្នកខ្ចី តេីគាត់ត្រូវធ្វេីដូចម្តេចដេីម្បីឱ្យអ្នកឱ្យខ្ចីប្រាក់មានសិទ្ធិទារការប្រាក់ពីអ្នកខ្ចី? យោងក្រមរដ្ឋប្បវេណី មាត្រា៥៨៣ កិច្ចសន្យាខ្ចីប្រាក់ ប្រសិនបេីគ្នានការព្រមព្រៀងគ្នាជាក់លាក់អំពីការគិតការប្រាក់ទេ អ្នកឱ្យខ្ចីមិនមានសិទ្ធិទាមទារការប្រាក់ឡេីយ។ ការព្រមព្រៀងឱ្យខ្ចីគិតការប្រាក់នេះ ត្រូវធ្វេីជាលាយលក្ខណ៍អក្សរ (ឯកសារ) និងត្រូវមានហត្ថលេខារបស់អ្នកខ្ចី។
នីតិប្រៀបធៀប Comparative Law
ប្រទេសមួយមិនអាចគ្រាន់តែចម្លងច្បាប់បរទេស ឬត្រាប់តាមការអនុវត្តរបស់ប្រទេសណាមួយផ្សេងទៀតបានទេ។ នីតិប្រៀបធៀប គឺជាវិធីសាស្ត្រដែលត្រូវបានប្រេីប្រាស់ដេីម្បីដោះស្រាយបញ្ហាច្បាប់របស់ប្រទេសណាមួយ ដោយផ្អែកលេីការសិក្សាអំពីបទពិសោធន៍អនុវត្តច្បាប់របស់ប្រទេសណាមួយ ឬច្រេីនផ្សេងទៀត។ អ្នកសិក្សាត្រូវយល់ពីទិដ្ឋភាពប្រវត្តិសាស្ត្រ សង្គម វប្បធម៌ សេដ្ឋកិច្ចជាអាទិ៍ ជាពិសេសការវិវត្តនៃទស្សនវិទ្យា បន្ថែមលេីអត្ថបទច្បាប់ និងការអនុវត្តច្បាប់របស់ប្រទសនីមួយៗ ទេីបអាចធ្វេីការវិភាគបែបប្រៀបធៀបមានប្រសិទ្ធភាព ពោលគឺអាចដោះស្រាយបញ្ហាច្បាប់បាន។ ហេតុអ្វីត្រូវប្រេីវីធីសាស្ត្រប្រៀបធៀបក្នុងការដោះស្រាយបញ្ហាច្បាប់របស់កម្ពុជា? ទី១ ភាពងាយស្រួល៖ នីតិនិពន្ធមិនចាំបាច់នឹកស្រមៃរកច្បាប់ថ្មី ដោយពួកគាត់គ្រាន់តែផ្អែកលេីច្បាប់មានស្រាប់ដែលត្រូវបានអនុវត្តជាក់ស្តងក្នុងប្រទេសណាមួយជាការស្រេច។ ទី២ ឯកភាពនៃច្បាប់៖ សាកលភាវូបនីយកម្ម និងការរីកចម្រេីននៃបច្ចេកវិទ្យាឌីជីថល ដែលបង្កេីតប្រតិបត្តិការពាណិជ្ជកម្មឆ្លងប្រទេសគ្មានព្រំដែន ការអនុម័តច្បាប់ដោយមិនបានសិក្សាអំពីច្បាប់របស់ប្រទេសផ្សេងទៀត អាចរាំងស្ទះដល់ដំណេីរការទាំងនោះ។ នីតិប្រៀបធៀបធ្វេីឱ្យច្បាប់ប្រទេសដៃគូរពាណិជ្ជកម្មកាន់តែស្រដៀងគ្នា។ ទី៣ ការយល់កាន់តែច្បាស់អំពីច្បាប់របស់ខ្លួន៖ ការប្រៀបធៀបជាមួយច្បាប់បរទេសធ្វេីឱ្យនីតិនិពន្ធឈ្វែងយល់អំពីចំណុចខ្លាំង ចំណុចខ្សោយ ឬភាពចន្លោះប្រហោងនៃច្បាប់របស់ខ្លួន។ តេីនីតិនិពន្ធ ឬអ្នកសិក្សាច្បាប់ គួរជ្រេីសរេីសយកច្បាប់របស់ប្រទេសណាដេីម្បីសិក្សាប្រៀបធៀប? ការប្រៀបធៀបមានគោលដៅដោះស្រាយបញ្ហាច្បាប់។ បញ្ហាច្បាប់សំដៅដល់ករណីដែលសង្គមពុំមានច្បាប់ដោះស្រាយ ឬអាចជាករណីដែលមានច្បាប់រួចហេីយ តែនៅមានភាពខ្វះចន្លោះដែលនាំឱ្យមានការបកស្រាយយល់ឃេីញផ្សេងៗគ្នា ហេីយជាវិបាកមានវិវាទកេីតឡេីង។ ក្នុងរណីខ្លះ ច្បាប់ថ្មីពេក ខ្វះបទពិសោធន៍នៃការអនុវត្តជាក់ស្តែងក្នុងប្រទេសនោះ។ តេីគេគួរជ្រេីសរេីសច្បាប់នៃប្រទេសដែលមានប្រពៃណីប្រព័ន្ធច្បាប់ (Civil Law or Common Law) ដូចគ្នា ឬយ៉ាងណា? តេីគេគួរជ្រេីសរេីសច្បាប់នៃប្រទេសដែលជឿនលឿនជាងប្រទេសខ្លួន ឬយ៉ាងណា? តេីគេគួរជ្រេីសរេីសប្រទេសដែលប្រេីប្រាស់ភាសាអង់គ្លេស…
Something went wrong. Please refresh the page and/or try again.
Nop Kanharith 